(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 133

॥ శ్రీః ॥
1.133. అధ్యాయః 133
Mahabharata - Adi Parva - Chapter Topics
అశ్విభ్యాం మాద్ర్యాం నకులసహదేవయోరుత్పత్తిః॥ 1 ॥
యుధిష్ఠిరాదీనాం నామకరణం॥ 2 ॥
వసుదేవప్రేషితేన పురోహితేన పాండవానాముపనయనాదిసంస్కారకరణం॥ 3 ॥
పాండవానాం శుక్రాద్ధనుర్వేదశిక్షణం॥ 4 ॥
Mahabharata - Adi Parva - Chapter Text
వైశంపాయన ఉవాచ। 1-133-0x(783)(5874)
కుంతీపుత్రేషు జాతేషు ధృతరాష్ట్రాత్మజేషు చ।
మద్రరాజసుతా పాండుం రహో వచనమబ్రవీత్॥ 1-133-1(5875)
న మేఽస్తి త్వయి సంతాపో విగుణేఽపి పరంతప।
నావరత్వే వరార్హాయాః స్థిత్వా చానఘ నిత్యదా॥ 1-133-2(5876)
గాంధార్యాశ్చైవ నృపతే జాతం పుత్రశతం తథా।
శ్రుత్వా న మే తథా దుఃఖమభవత్కురునందన॥ 1-133-3(5877)
ఇదం తు మే మహద్దుఃఖం తుల్యతాయామపుత్రతా।
దిష్ట్యా త్విదానీం భర్తుర్మే కుంత్యామప్యస్తి సంతతిః॥ 1-133-4(5878)
యది త్వపత్యసంతానం కుంతిరాజసుతా మయి।
కుర్యాదనుగ్రహో మే స్యాత్తవ చాపి హితం భవేత్॥ 1-133-5(5879)
సంరంభో హి సపత్నీత్వాద్వక్తుం కుంతిసుతాం ప్రతి।
యది తు త్వం ప్రసన్నో మే స్వయమేనాం ప్రచోదయ॥ 1-133-6(5880)
పాండురువాచ। 1-133-7x(784)
మమాప్యేష సదా మాద్రి హృద్యర్థః పరివర్తతే।
న తు త్వాం ప్రసహే వక్తుమిష్టానిష్టవివక్షయా॥ 1-133-7(5881)
తవ త్విదం మతం మత్వా ప్రయతిష్యాంయతః పరం।
మన్యే ధ్రువం మయోక్తా సా వచనం ప్రతిపత్స్యతే॥ 1-133-8(5882)
వైశంపాయన ఉవాచ। 1-133-9x(785)
తతః కుంతీం పునః పాండుర్వివిక్త ఇదమబ్రవీత్।
`అనుగృహ్ణీష్వ కల్యాణి మద్రరాజసుతామపి।'
కులస్య మమ సంతానం లోకస్య చ కురు ప్రియం॥ 1-133-9(5883)
మమ చాపిండనాశాయ పూర్వేషాం చ మహాత్మనాం।
మత్ప్రియార్థం చ కల్యాణి కురు కల్యాణముత్తమం॥ 1-133-10(5884)
యశసోఽర్థాయ చైవ త్వం కురు కర్మ సుదుష్కరం।
ప్రాప్యాధిపత్యమింద్రేణ యజ్ఞైరిష్టం యశోఽర్థినా॥ 1-133-11(5885)
తథా మంత్రవిదో విప్రాస్తపస్తప్త్వా సుదుష్కరం।
గురూనభ్యుపగచ్ఛంతి యశసోఽర్థాయ భామిని॥ 1-133-12(5886)
తథా రాజర్షయః సర్వే బ్రాహ్మణాశ్చ తపోధనాః।
చక్రురుచ్చావచం కర్మ యశసోఽర్థాయ దుష్కరం॥ 1-133-13(5887)
సా త్వం మాద్రీం ప్లవేనైవ తారయైనామనిందితే।
అపత్యసంవిధానేన పరాం కీర్తిమవాప్నుహి॥ 1-133-14(5888)
`కుంత్యువాచ। 1-133-15x(786)
ధర్మం వై ధర్మశాస్త్రోక్తం యథా వదసి తత్తథా।
తస్మాదనుగ్రహం తస్యాః కరోమి కురునందన॥' 1-133-15(5889)
వైశంపాయన ఉవాచ। 1-133-16x(787)
ఏవముక్తాఽబ్రవీన్మార్ద్రీం సకృచ్చింతయ దైవతం।
తస్మాత్తే భవితాఽపత్యమనురూపమసంశయం॥ 1-133-16(5890)
`తతో మంత్రే కృతే తస్మిన్విధిదృష్టేన కర్మణా।
తతో రాజసుతా స్నాతా శయనే సంవివేశ హ॥' 1-133-17(5891)
తతో మాద్రీ విచార్యైకా జగామ మనసాఽశ్వినౌ।
తావాగంయ సుతౌ తస్యాం జనయామాసతుర్యమౌ।
నకులం సహదేవం చ రూపేణాప్రతిమౌ భువి॥ 1-133-18(5892)
తథైవ తావపి యమౌ వాగువాచాశరీరిణీ।
`ధర్మతో భక్తితశ్చైవ శీలతో వినయైస్తథా॥ 1-133-19(5893)
సత్వరూపగుణోపేతౌ భవతోఽత్యశ్వినావితి।
మాసతే తేజసాఽత్యర్థం రూపద్రవిణసంపదా॥ 1-133-20(5894)
నామాని చక్రిరే తేషాం శతశృంగనివాసినః।
భక్త్యా చ కర్మణా చైవ తథాఽఽశీర్భిర్విశాంపతే॥ 1-133-21(5895)
జ్యేష్ఠం యుధిష్ఠిరేత్యేవం భీమసేనేతి మధ్యమం।
అర్జునేతి తృతీయం చ కుంతీపుత్రానకల్పయన్॥ 1-133-22(5896)
పూర్వజం నకులేత్యేవం సహదేవేతి చాపరం।
మాద్రీపుత్రావకథయంస్తే విప్రాః ప్రీతమానసాః॥ 1-133-23(5897)
అనుసంవత్సరం జాతా అపి తే కురుసత్తమాః।
పాండుపుత్రా వ్యరాజంత పంచసంవత్సరా ఇవ॥ 1-133-24(5898)
మహాసత్త్వా మహావీర్యా మహాబలపరాక్రమాః।
పాండుర్దృష్ట్వా సుతాంస్తాంస్తు దేవరూపాన్మహౌజసః॥ 1-133-25(5899)
ముదం పరమికాం లేభే ననంద చ నరాధిపః।
ఋషీణామపి సర్వేషాం శతశృంగనివాసినాం॥ 1-133-26(5900)
ప్రియా బభూవుస్తాసాం చ తథైవ మునియోషితాం।
కుంతీమథ పునః పాండుర్మాద్ర్యర్థే సమచోదయత్॥ 1-133-27(5901)
తమువాచ పృథా రాజన్ రహస్యుక్తా తదా సతీ।
ఉక్తా సక్వద్ద్వంద్వమేషా లేభే తేనాస్మి వంచితా॥ 1-133-28(5902)
బిభేంయస్యాః పరిభవాత్కుస్త్రీణాం గతిరిదృశీ।
నాజ్ఞాసిషమహం మూఢా ద్వంద్వాహ్వానే ఫలద్వయం॥ 1-133-29(5903)
తస్మాన్నాహం నియోక్తవ్యా త్వయైషోఽస్తు వరో మమ।
ఏవం పాండోః సుతాః పంచ దేవదత్తా మహాబలాః॥ 1-133-30(5904)
సంభూతాః కీర్తిమంతశ్చ కురువంశవివర్ధనాః।
శుభలక్షణసంపన్నాః సోమవత్ప్రియదర్శనాః॥ 1-133-31(5905)
సింహదర్పా మహేష్వాసాః సింహవిక్రాంతగామినః।
సింహగ్రీవా మనుష్యేంద్రా వవృధుర్దేవవిక్రమాః॥ 1-133-32(5906)
వివర్ధమానాస్తే తత్ర పుణ్యే హైమవతే గిరౌ।
విస్మయం జనయామాసుర్మహర్షీణాం సమేయుషాం॥ 1-133-33(5907)
`జాతమాత్రానుపాదాయ శతశృంగనివాసినః।
పాండోః పుత్రానమన్యంత తాపసాః స్వానివాత్మజాన్॥ 1-133-34(5908)
వైశంపాయన ఉవాచ। 1-133-35x(788)
తతస్తు వృష్ణయః సర్వే వసుదేవపురోగమాః॥ 1-133-35(5909)
పాండుః శాపభయాద్భీతః శతశృంగముపేయివాన్।
తత్రైవ మునిభిః సార్ధం తాపసోఽభూత్తపస్విభిః॥ 1-133-36(5910)
శాకమూలఫలాహారస్తపస్వీ నియతేంద్రియః।
యోగధ్యానపరో రాజా బభూవేతి చ వాదకాః॥ 1-133-37(5911)
ప్రబువంతి స్మ బహవస్తచ్ఛ్రుత్వా శోకకర్శితాః।
పాండోః ప్రీతిసమాయుక్తాః కదా శ్రోష్యామ సంకథాః॥ 1-133-38(5912)
ఇత్యేవం కథయంతస్తే వృష్ణయః సహ బాంధవైః।
పాండోః పుత్రాగమం శ్రుత్వా సర్వే హర్షసమన్వితాః॥ 1-133-39(5913)
సభాజయంతస్తేఽన్యోన్యం వసుదేవం వచోఽబ్రువన్।
న భవేరన్క్రియాహీనాః పాండుపుత్రా మహాబలాః॥ 1-133-40(5914)
పాండోః ప్రియహితాన్వేషీ ప్రేషయ త్వం పురోహితం।
వసుదేవస్తథేత్యుక్త్వా విససర్జ పురోహితం॥ 1-133-41(5915)
యుక్తాని చ కుమారాణాం పారబర్హాణ్యనేకశః।
కుంతీం మాద్రీం చ సందిశ్య దాసీదాసపరిచ్ఛదం॥ 1-133-42(5916)
గావో హిరణ్యం రౌప్యం చ ప్రేషయామాస భారత।
తాని సర్వాణి సంగృహ్య ప్రయయౌ స పురోహితః॥ 1-133-43(5917)
తమాగతం ద్విజశ్రేష్ఠం కాశ్యపం వై పురోహితం।
పూజయామాస విధివత్పాండుః పరపురంజయః॥ 1-133-44(5918)
పృథా మాద్రీ చ సంహృష్టే వసుదేవం ప్రశంసతాం।
తతః పాండుః క్రియాః సర్వాః పాండవానామకారయత్॥ 1-133-45(5919)
గర్భాధానాదికృత్యాని చౌలోపనయనాని చ।
కాశ్యపః కృతవాన్సర్వముపాకర్మ చ భారత॥ 1-133-46(5920)
చౌలోపనయనాదూర్ధ్వమృషభాక్షా యశస్వినః।
వైదికాధ్యయనే సర్వే సమపద్యంత పారగాః॥ 1-133-47(5921)
శర్యాతేః ప్రథమః పుత్రః శుక్రో నామ పరంతపః।
యేన సాగరపర్యంతా ధుషా నిర్జితా మహీ॥ 1-133-48(5922)
అశ్వమేధశతైరిష్ట్వా స మహాత్మా మహామఖైః।
ఆరాధ్య దేవతాః సర్వాః పితౄనపి మహామతిః॥ 1-133-49(5923)
శతశృహ్గే తపస్తేపే శాకమూలఫలాశనః।
తేనోపకరణశ్రేష్ఠైః శిక్షయా చోపబృంహితాః॥ 1-133-50(5924)
తత్ప్రసాదాద్ధనుర్వేదే సమపద్యంత పారగాః।
గదాయాం పారగో భీమస్తోమరేషు యుధిష్ఠిరః॥ 1-133-51(5925)
అసిచర్మణి నిష్ణాతౌ యమౌ సత్త్వవతాం వరౌ।
ధనుర్వేదే గతః పారం సవ్యసాచీ పరంతపః॥ 1-133-52(5926)
శుక్రేణ సమనుజ్ఞాతో మత్సమోఽయమితి ప్రభో।
అనుజ్ఞాయ తతో రాజా శక్తిం ఖంగం తతః శరాన్॥ 1-133-53(5927)
ధనుశ్చ దమతాం శ్రేష్ఠస్తాలమాత్రం మహాప్రభం।
విపాఠక్షురనారాచాన్గృధ్రపక్షైరలంకృతాన్॥ 1-133-54(5928)
దదౌ పార్థాయ సంహృష్టో మహోరగసమప్రభాన్।
అవాప్య సర్వశస్త్రాణి ముదితో వాసవాత్మజః॥ 1-133-55(5929)
మేనే సర్వాన్మహీపాలానపర్యాప్తాన్స్వతేజసః॥ 1-133-56(5930)
ఏకవర్షాంతరాస్త్వేవం పరస్పరమరిందమాః।
అన్వవర్తంత పార్థాశ్చ మాద్రీపుత్రౌ తథైవ చ॥' 1-133-57(5931)
తే చ పంచ శతం చైవ కురువంశవివర్ధనాః।
సర్వే వవృధిరేఽల్పేన కాలేనాప్స్వివ పంకజాః॥ ॥ 1-133-58(5932)

ఇతి శ్రీమన్మహాభారతే ఆదిపర్వణి సంభవపర్వణి త్రయస్త్రింశదధికశతతమోఽధ్యాయః॥ 133 ॥

Mahabharata - Adi Parva - Chapter Footnotes
1-133-2 విగుణే ప్రజోత్పాదనానధికృతే। అవరత్వే కనిష్ఠాత్వే। వరార్హాయాః కృంత్యా అపేక్షయా॥ 1-133-6 సంరంభోఽభిమానః॥ 1-133-7 ఇష్టమనిష్టం వా వక్ష్యసీతి సందేహేన॥ 1-133-8 ప్రతిపత్స్యతే అంగీకరిష్యతి॥ 1-133-9 సతానమవిచ్ఛేదం॥ 1-133-10 మమ పూర్వేషాం చాపిండనాశాయ పిండవినాశాభావాయ। బహుషు పుత్రేషు కస్యచిదపి పుత్రస్య సంతతేరవిచ్ఛేదసంభవాదిత్యర్థః॥ 1-133-11 యశస ఇతి కృతకృత్యా అపి యశోర్థం దేవగుర్వాద్యారాధనం కుర్వంతీత్యర్థః॥ 1-133-20 అత్యశ్వినౌ అశ్విభ్యామధికౌ॥ 1-133-24 అనుసంవత్సరం సంవత్సరమను పశ్చాజ్జాతా అపి దేవతాభావాత్సర్వే పంచసంవత్సరా ఇవాదృశ్యంతేత్యర్థః॥ త్రయస్త్రింశదధికశతతమోఽధ్యాయః॥ 133 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.